آؤ سنواریں پاکستان

چلیں شکر ہے کہ کوئ مردانہ آواز بھی اس زمرے میں آئ کہ ہم کہیں تو کہا جاتا ہے کہ حقوق نسواں اور آزادیء نسواں کی حامل خاتون کی باتیں ہیں۔ حالانکہ یہ کسی بھی انسان کے بنیادی حق میں سے ہے۔ کیا کسی مرد کو اس طرح برہنہ پھرایا جائے کسی بھی جرم کی پاداش میں تو اسے ایک انسانی رویہ قرار دیا جا سکتا ہے۔
دوسری جانب یہی بات کہ کیا کسی عورت کا جسم فروشی کرنا ایک یکطرفہ عمل ہے۔ اس میں ملوث مردوں کو کیوں نہیں قرار واقعی سزا دی جاتی۔
اصل بات یہ ہے کہ مذہب کو استعمال کیا جاتا ہے ان لوگوں کی طرف سے جودنیا میں نہ کچھ کرنے کا حوصلہ رکھتے ہیں اور نہ تمنا۔ مذہب ایک شارٹ کٹ ہے پاکستان جیسے ملک میں جہاں لوگ اسکے لئے ایکدوسرے کو قتل کر دیں گے مگر اسکے مطابق زندگی نہیں گذاریں گے۔
دوسری طرف فیوڈل نظام میں خواتین کی حیثیت مال مویشی یا جائداد جیسی ہوتی ہے تو انکا دماغ اسی طرح درست رکھا جا سکتا ہے۔ یہ واقعات پاکستان میں پہلے بھی ہوئے ہیں اورعجیب اتفاق ہے کہ اس قسم کا پہلا واقعہ ضیا الحق کی اسلامی حکومت میں پہلی دفعہ منظر عام پر آیا جب نواب پور میں ایک خاندان کی خواتین کو برہنہ سر بازار پھرایا گیا۔
بے فکر رہیں، اس سلسلے میں کچھ نہیں ہوگا۔ تمام مذہبی جماعتیں اپنے لبوں پر گوند لگا کر بیٹھ جائیں گی۔ وہ صرف مومنین اور مجاہدین کے لئے تحریکیں چلاتی ہیں اور باقی سیاسی جماعتیں خانہ پری کر کے اپنا ریکارڈ صحیح رکھیں گی۔ رہ گئے عوام تو وہ کہیں گے کہ ایسی عورتوں کے ساتھ ایسا ہی ہونا چاہئیے خدا کی مار یہ تو پرویز مشرف کی لائ ہوئ بے حیائ ہے یا امریکہ چاہتا ہے کہ ہم بھی انکی طرح بے غیرت معاشرے کے فرد بن جائیں۔ ایسی ہی عورتوں کی وجہ سے ہم آج دانہ ء گندم کو ترس گئے ہیں۔ وغیرہ وغیرہ۔ اور ہم کیوں شرمندہ ہوں، شرمندہ تو ان عورتوں کو ہونا چاہئیے، دھرتی کا بوجھ، مریں تو وہ مریں تاکہ اس پاک دھرتی پر سے کچھ ناپاکی کم ہو۔ خس کم جہاں پاک۔

بات درست ہے یعنی کچھ نہیں‌ ہو گا۔ ہمارے معاشرے میں‌جتنی نفرت جسم فروش عورت سے کی جاتی ہے اس کے مطابق ان کیساتھ ہر زیادتی جائز قرار پائے گی اور وہ عورتیں جیل سے نکلنے کے بعد دوبارہ اسی دھندے میں لگ جائیں گی۔

لوگوں کو تو اسکے پيچھے بھی امريکہ برطانيہ اسٹيبلشمنٹ اور جانے کس کس کا ہاتھ نظر آئے گا ليکن جو ہاتھ اصل ميں ملوث ہيں ايک دفعہ کاٹ دئيے جائيں يا ناک کے بدلے ناک اور کان کے بدلے کان کے فارمولے کے تحت ملوث ملا اينڈ کو کو بھی اسی طرح ننگا چکر دلوائيا جائے کہ ان عورتوں کا احساس ہو جو نہ جانے بچوں کی بھوک کے ہاتھوں مجبور تھيں يا کيا افتاد تھی بيچاريوں پر کہ ميرا نہيں خيال کوئی عورت خوامسخواہ گدھوں سے خود کو نوچواتی ہو آپکے پہلے تين سوالوں کے جواب نہيں ميں ہيں جبکہ چوتھے سوال کا جواب يہ ہے کہ بندی اللہ پاک کا لاکھ لاکھ شکر ادا کرتی ہے کہ اس نے اس گندے معاشرے سے نکال کر ان لوگوں ميں بھيجا جن کے نام مسلمانوںجيسے نہيں مگر خصوصيات (چند ايک چھوڑ کر ) مومنين جيسی ہيں

ادھر اکثر پاکستانی لوگ ہميں مستقل پاکستان سيٹل ہونے کا مشورہ ديتے ہيں کہ آپکی بيٹياں ہيں يہ ماحول انکے ليے ٹھيک نہيں تو ہم دونوں يہي کہتے ہيں کہ ہم تو اس وقت سے ڈرتے ہيں جب بچيوں کو پاکستان ليکر جانا پڑے اور اس مثالی معاشرے کو چھوڑ کر اس گندے معاشرے ميں بچيوں کی پرورش کرنی پڑے تو ہماری تو روح ہی کانپ جاتی ہے بندی نے گزشتہ پانچ سالوں ميں پاکستان کا ايک بھی چکر نہيں لگاياا اور نہ آئندہ پندرہ بيس سالوں تک کوئي ايسا ارادہ ہے بندي کو پاکستان کي صرف ايک چيز ياد آتي ہے اور وہ ہے ُ اچھو کے چھولے` جوابا لوگ ہميں اتنی حيرت سے ديکھتے ہيں جيسے کچھ انہونی کہہ دی ہو آپ ہی بتائيں خرم بھائی کہ بچيوں کے ليے يہ معاشرہ محفوظ ہے يا پاکستاني؟

ہماری آنکھیں آئنیہ نہیں‌دیکھ سکتی۔ کیونکہ آئنیہ سچ بولتا ہے۔ خرم بھائی آپ کی بات سے سو فیصد بلکے ایک سو دس فیصد متفق ہوں۔ اور عنیقہ آپی میں بھی آواز اٹھا رہا ہوں۔ اللہ تعالیٰ ہمیں عقلِ سلیم عطا فرمائے آمین

خرم بھائی یہ پہلی دفعہ نہیں ہے بلکہ اس سے پہلے بھی ایک پنچایت عورتوں کی بے حرمتی کرچکی ہے۔ اور رپورٹ نا ہونے والے واقعات کی تو بات ہی جانے دیں۔۔ اس پر ہمارے دانشوار اورصاحبان جبہ و دستار معاشرے کی افضلیت یوں بیان کرتے ہیں کہ وجد آجائے اور جو آواز اٹھائے تو وہ آلہ کار۔۔ آپ تو جانتے ہیں اس وقت قوم بڑے بڑے مسائل مثلا کیری لوگر بل اور بلیک واٹر سے نمٹنے میں منہمک ہے موقع ملے گا تو اس پر بھی بات کریں گے۔۔ اور کیوں کے اس واقعے میں عوام ہی عوام ہے یعنی طالبان یا غیر ملکی شامل نہیں‌ اس لیے میڈیا کے لیے تو ویسے ہی کوئی خاص اہم نہیں۔۔ اور کئی لوگوں‌کے نزدیک تو من گھڑت داستان بھی ہوگی۔۔

راشد بھائی کی بات درست ہے یہ پہلی بار نہیں ہوا ایسے واقعے ہوتے رہے ہیں اور رہیں گے ۔بگڑے ہوے معاشرے کا یہ ایک بھیانک پہلو ہے ۔ اس کا ذمہ دار یہ ہی مرد حضرات ہیں جو یہ سلوک کر رہے ہیں۔ یہ کارنامہ انجام دینے والوں کو پوچھا جائے کہ ان کو یہ حق کس نے دیا ہے ۔
جواب :۔ کچھ نہیں ہو گا۔

بہت پرانی بات ہے۔ مجھے لکھنے کا شوق چرایا تومیں نے جو پہلی تحریر لکھی تھی، اس کا عنوان تھا ”منافقت“۔ اگرچہ وہ کہیں شائع نہیں ہوسکی، ایک مقامی اخبار کا رپورٹر میرا دوست بھی تھا ، لیکن تحریر پڑھنے کے بعد اس نے غور سے میری طرف دیکھا اور کہا ”کیوں ساڈے بچیاں دی روزی دے پچھے پیاں ایں“۔ تو جی بھٹی صاحب۔۔۔ سادہ سی بات ہے، گنجل بالکل نہیں ہیں اس میں کہ ہم منافق ہیں۔ پیریڈ

واقعی یہ ایک گھٹیا عمل تھا، اور افسوس کی بات کے پولیس والوں نے بھی صرف یک طرفہ کاروائی کی، ہمارے معاشرے میں ہر روز ایسے گندے واقعات ہو رہے ہیں، پتہ نہیں یہ عوام کب سدھرے گی۔ کچھ لوگ جو اس واقعے کے خلاف ایکشن لینے کی صلاحیت رکھتے ہیں وہ پیچھے بیٹھ کر تماشا دیکھ رہے ہوتے ہیں، جو شریف لوگ اس عمل کو برا سمجھتے ہیں وہ ہجوم سے گھبرا کر چپ سادھ لیتے ہیں اور اپنے گھر کی راہ لیتے ہیں۔

کوئی NGOیا شخص اپنی مشہوری کے لئے ان خواتین کو انصاف دلا دے گا ۔

وگر ہمارے یہاں انصاف کی کمی بہت ہے

بزدلوں کا زور ہمیشہ کمزوروں پر ہی چلتا ہے اور اس طرح کے واقعات اس بات کو ظاہر کرتے ہیں کہ ہمارے لوگ جاہل ہونے کے ساتھ ساتھ بزدل بھی ہیں۔
اگر ان خواتین کو انصاف ملا بھی تو ان کو انصاف دلانے کے چکر میں نجانے کتنی این جی اوز اپنی جیبیں گرم کریں گی۔
خرم بھائی کی یہ بات صورتحال کی عکاس ہے:
“ہمارے معاشرے کو جسم فروش عورتوں‌ سے نفرت نہیں ہے، ان عورتوں‌سے نفرت ہے جو جسم فروشی کرتی ہیں۔”

اسی لیئے تو میں کہتا ہوں جیسی روح ویسے فرشتے
اب آپکے سوالوں کے جواب اگر اس ملک کو اپنی بنیادوں پر قائم رہنا ہے تو صرف ان خواتین ہی کو نہیں ان جیسی تمام خواتین اور مظلومین کو انصاف ملنا چاہیئے کیونکہ اب ہمارے پاس زیادہ وقت بچا نہیں ہے اور آئندہ کے لیئے کسی کے ساتھ ایسا سلوک کرنا ناقابل معافی جرم ہونا چاہیئے اگر افتخار چوہدری اپنے آفس کے اے سی کی ٹھنڈک سے پورے جم نہ گئے ہوں تو
دوسرے سوال کا بھی یہی جواب ہے، رہا تیسرا سوال تو عافیہ صدیقی تو محض ایک مہرہ تھی جسے ضرورت کے تھت آگے بڑھایا گیا تھا ورنہ کونسی تحریک اور کیسی تحریک
میں اس معاشرے کا حصہ ہونے پر شرمندہ نہیں ہوں کیونکہ میں اس معاشرے کو اپنے زور بازو سے بدلنے کا حوصلہ رکھتا ہوں اور اپنے رب سے بلکل بھی ناامید نہیں ہوں،

آج کے جنگ کی ایک خبر!

http://ejang.jang.com.pk/9-30-2009/pic.asp?picname=1038.gif

بہت افسوس ناک واقعہ ہے۔ حیرتناک نہیں کیونکہ اس سے بھی زیادہ غلط کام یہاں ہوتے ہیں۔ میرے جذبات بھی وہی ہیں جو آپ کے ہیں،

توہینِ رسالت صلی اللہ تعالٰی علیہ وآلہ وسلم کا معاملہ ہو یا عصمت فروشی یا کوئی بھی کس قدر سنگین اور گھناؤناجرم ہی کیوں نہ ہو ۔ ایسے جرم یا واقعے پہ قانون ہاتھ میں لینے والوں کے لئیے بھی سخت ترین سزائین ہونی چاہئیں ۔ کہ ایسی سزاؤں پہ عمل درآمد ہوتا ہوا بھی نظر آنا چاہئیے۔۔ مگر

مگر یہ کرے گا کون۔؟ کہنے کو تو پولیس کا ادارہ ہے۔ انتظامیہ ہے۔ مجسٹریٹس اور عدلیہ وغیرہ ہے۔ لیکن اگر یہ پولیس کے ادارے وغیرہ یہ سب کرتے ہوتے تو عوام بھی اسطرح کی حیوانیت کا مظاہرہ نہ کرتے۔ کیونکہ ایک بات تو طے ہے ۔ کہ اگر وہ خواتین واقعی جسم فروشی کا گھناؤنا دھندا کرتی تھیں تو بھی انہیں سزا دینے کا حق نہ محلے کے مولوی اور اہلِ محلہ کو ہے اور نہ ہی اسکا اختیار پولیس کو ہے۔ سزا یا چھوڑ دینے کا فیصلہ تو عدالت کا کام ہے۔ اگر ہر جرم پہ اسی طرح کا ردِ عمل ظاہر کیا جائے تو پاکستانی معاشرے اور جنگلی معاشرے میں فرق ختم ہوجائے گا۔

ایسے واقعات پہ بھپری ہوئے یا مذہبی حوالے دے کر مشتعل کیے گئے عوام کے سامنے معقول لوگ چاہتے ہوئے بھی انھیں روکنے یا سمجھانے کی ہمت نہیں پاتے ۔ جبکہ انہیں پتہ ہوتا کہ سراسر غلط ہو رہا ہے۔ اور یہ کسی معاشرے کا بہت بڑا المیہ ہے۔

اخباری اطلاعات کے مطابق اس انسانیت سوز واقعے پہ جب برہنہ عورتوں نے اپنا جسم ڈھانپنے کے لئیے محلے کے مکانات کا دروازے کھٹکھائے تو کوئی دروازہ نہ کھلا تو ایسے میں ایک ایسا کردار جو آبادی کا سب سے غریب آدمی ہے، اس نے ایک برہنہ عورت کو اپنی جھوپڑی میں پناہ دی اور اسے اپنا تن ڈھاپنے کے لئیے کپڑا مہیا کیا۔جبکہ اسکول ماسٹر سے لیکر باقی دوسرے لوگ جو ایسے واقعے کو غلط تو سمجھتے تھے مگر انہوں نے اسے روکنے کی جراءت نہ کی ۔ یہ بھی اپنی جگہ پہ ایک المیہ ہے۔

لعنت اللہ علیکم اجمعین

١ ۔ نہیں ملے گا
٢ ۔ نہیں ملے گی
٣ ۔ نہیں چلے گی
٤ – جواب ہونے کے باوجود میں شرمدنہ ہوں